როგორ შევაყვაროთ ბავშვებს ნამდვილი მუსიკა?

გუშინ ჩემმა 11 წლის ნინომ მომიტანა `Wireless-Bluetooth` ყურსასმენი და მთხოვა: `ტაბლეტიდან` მუსიკები ამაში გადმომიწერეო.

მოვიმარჯვე USB- კომბაინი.....ვაკეთებ......თან ჩავრთე, ისმის და.......კინაღამ გავგიჟდი, თმები ყალყზე დამიდგა.

- `ეს რა არის` მეთქი?

- ყველაზე მაგარი მუსიკაა, მთელი კლასის გოგოები და ბიჭები მაგას უსმენენო

სულ გადავირიე.

ეს მუსიკაა?!!!

. . . . . . . . . . . . . . . . . . . . . . .

კი....მესმის, ეს ბებრული ბუზღუნი: ალბათ ჩვენი მშობლებიც ასე ბუზღუნდებდნენ ჩვენ რომ Deep purple-ის Fireball-ს ვუსმენდით:

ბებიაჩემი თამარა მიღრიალებდა ხოლმე შუშაბანდიდან: ჩაუწიე მაგ ოხრობას თორემ მოვალ და სულ დაგილეწავ `მაგნიტოფონია თუ რაც არისო`.

კი, ნამდვილად გამკეთებელი იყო; ამიტომ ჩემს ბაბინებიან Astras დავუწევდი ხოლმე ან `ნაუშნიკებს` ვიკეთებდი.

ჰოდა....ეს მესმის მეთქი - `ეიჯური სინდრომი`, ბებრული ბუზღუნი, მაგრამ....... მომკალით, ამკუწეთ, არ მესმის ის საშინელება, რასაც ახლა ამ ასაკის ან დაახლოებით ამ ასაკის თინეიჯერები უსმენენ.

ვაგრძელებ ნინოსთან ლაპარაკს:

- ეს რა მუსიკაა? შენ `ბიტლები` მოგისმენია?

- ბიტლები დაძველდა!

მთლად დასაბმელი გავხდი!

. . . . . . . . . . . . . . . . . . . . . . .

ამიტომაც.......ერთი იდეა მინდა მივაწოდო განათლების სამინისტროს:

რატომ არ შეიძლება, რომ საქართველოს ტერიტორიაზე, ყველა საშუალო სკოლაში, სწავლის დაწყებამდე ნახევარი საათი და შესვენებისას მთელს შენობაში ჟღერდეს კლასიკური მუსიკა? ანუ მართლა ხელოვნება?

10-15 წუთი ჟღერდეს ყველგან: კლასებში, დერეფნებში..... სველ წერტილებში, სადაც ბიჭები იკრიბებიან? მერე რა?

ჟღერდეს მოცარტიც, `ბიტლებიც` და `პინქ ფლოიდიც...... კი ბატონო, `ფარფლები` არ გინდათ - აგრესიულია ბევრს რომ ჰკითხო.

მე რომ მკითხო გენიალურია მათი Child in Time.

ოღონდ გილანის შესრულებით

რა ამის პასუხია და.....არასდროს დამავიწყდება: Pen station რომ არის ნიუ იორკში რკინიგზის სადგური.

იქ სველ წერტილში შევედი ერთხელ და......ნუ, ხომ წარმოგიდგენიათ რა სიტუაცია იქნებოდა არა? აღარ განვმარტავ პოლიტკორექტორთა შიშის გამო.

ჰოდა `მთვარის სონატა` ჟღერდა!

. . . . . . . . . . . . . . . . . . . . . . .

მე მგონი არ არის ცუდი იდეა.... თან სკოლების რა მიდის? არაფერი დიდი ხარჯი არ უნდა ამას.

და......ოღონდაც არ დაიჯეროთ, `ამას ეფექტი არ ექნებაო` თუ ვინმე გეტყვით.

როგორ გეკადრებათ.....როგორ გეკადრებათ.......არ დაიჯეროთ! - მაღალი ხელოვნება თავის `გზას და კვალს`იპოვის ნორჩ სმენაში, - სამუდამოდ აღებეჭდება ა უ ც ი ლ ე ბ ლ ა დ!

დათო